雜種植物蛋。。。

記得大約 9 個月前

我o係深水埗買左幾粒植物蛋
要黎送比人 其中一粒送左比自己!
(由於唔見左自己粒蛋, 所以用下圖黎代替)
【草莓植物蛋】 (上圖)
買左返屋企
好心急就作穿佢個頭
淋水.. 淋水... 每日幫佢淋水...
(在此鳴謝: dad, mum, <-- 佢地都有幫我淋水)

1 個月.. 2 個月.. 3 個月.. 9 個月後
經過我地悉心栽培
佢已經長到亭亭玉立
好高好高.. 好高..
高到就黎掂到天花板
為左唔好搶哂岩岩生出黎o既葉仔
就唯有犧牲高高在上o既老臣子喇

啪! 啪! 剪斷哂... 幣!
有 Ｄ 唔捨得

嗯~ 生得好靚
之前仲出左 Ｄ 花花
細細粒.. 好盞鬼..
咪住! 下?! 唔係掛?! 有荷蘭豆???

點解你會生 Ｄ 荷蘭豆出黎嫁??
咦~ 肯定之前比人 XX
溝埋其他野一齊
生左個雜種荷蘭豆出黎..

唔知再過多一排
你又會生 Ｄ 咩出黎呢?
蕃茄? 椰子? 冬瓜? 蘿蔔?

＊ 送左盒檸檬茶比 Ｓaｌoｎ哥哥飲 ＊

時思削削。。。

黑痴!

咳咳咳...

近排唔知搞乜鬼
時思削削... 削左幾日
食左藥都唔得
搞錯呀!!

每次食完藥都眼訓到爆
ＺＺＺｚｚｚ

成個人又軟賴賴窩...
又無哂力~
可以唔駛做野啦~
感冒藥 (下圖)

食感冒藥永遠都好似要搵埋佢細佬喉糖先生咁
呀 (擘大口, 放粒藥在利上)
嗗嗗嗗 (飲水)
UM (喉糖先生訓在利上)

含含含...
藥力黎料！
櫈登!

迷迷糊糊... 軟賴賴...

死頂!!
鬼叫你病呀! 頂硬上...

希望今個禮拜內會矛樹啦
黑~~~痴!

＊ 尋晚我同王先生終於去左打邊爐啊 ＊
溫馨的拾...

好好過日子。。。

難捱o既日子,

時間過得好慢,
度日如年!

反之,
時間過得快,
就成了日子好過o既象徵...

逝水流年,
轉眼一年,
轉眼又一年,
看著世事變遷,
更加覺得...
既然好壞都係一輩子,
咁就唔好瞎折騰!

唔好自己名自己過唔去
好好過日子吧!

反反反。gO gO gO。

＆＆＆＆

唔駛做？？？

生日飯。。。

生日, 好好醜醜都要食一餐飯~
但唔係愈貴就愈好~
其實生日飯o既主旨唔係在乎食物本身,
而係『人』先最重要!
有『人』陪自己食生日飯,
就算只係飲一杯, 唔食任何東西~
又何干呢?!

開心就足夠了!
依種飯就係最好味的!

激死。。。

原本諗住拎手袋放工鬆人

但點知伸手入個手袋時
摸到 Ｄ 野...........................

我 Ｄ 萬樂珠呀~~~~
跌哂o係個手袋度...
已經唔係第一次嫁喇
激死!!!!!!!!!!!!!!!!!!!!!!!!!!!!!!!!!!!!!!
唯有我 Ｎoｗ 番起佢 Ｄ 屍體啦..

包屍了...

呀~~~~~~~~~~~
如果要食萬樂珠果陣
又要拎住舊包仔出黎
肉酸死~

＊ 激氣到要打埋個 Ｂlｏg 先走 ＊

＊ 突然又想打邊爐 ＊

食甜甜。。。

早前我提意放左學之後去九龍城食飯

飯後, 米高胡先生帶我地幾個 我 ＆ 王先生 ＆ 班長哥哥
去左 『甜蜜居』食甜甜~

等我介紹一下一間位於九龍城o既甜品屋~

佢係一間由幾個後生仔女合資o既甜品屋黎嫁~
叫 『甜蜜居』

位於: 九龍城南角道 4 號地下 Ｔeｌ: 2716 - 1489

＊~ 間格唔算太大 裝飾一般 但望落去都幾舒服

＊~ 價錢適中 但有部份甜品就偏貴

＊~ 食物質素.. 我諗可以更加好味 Ｄ
有 Ｄ 甜品都幾特別, 唔錯!

＊~ 服務 ＯＫ

總括: 甜品方面可有改善o既地方
飲料方面都尚算可以
價錢再平 D 就好喇!

米高胡先生專登點左一個

叫【芒果炸兩】比我地試 (下圖)

其實真係似唔似炸兩呢?

外面白色果層係好似
椰果般, 半爽淋, 半甜淡
裡面用芒果做料
o係腸粉皮上果幾條黃色野
係糖漿, 唔太甜。
食落去, 味道幾好~
口感唔錯! 值得一試!!

再黎介紹一下我地幾個 Ｏrｄeｒ左o既野飲..




我同米高胡先生分別叫左
一杯用西瓜 ＆ 蘆薈
製成o既 【西瓜蘆薈汁】(左邊)

一杯用香蕉 ＆ 芒果
搞成o既 【香蕉芒果汁】(右邊)
＊ 我揀左西瓜蘆薈汁 ＊

王先生就 Ｏrｄeｒ左 一杯用榔子 ＆ 蘆薈
製成o既 【椰子蘆薈汁】 (左圖)


＊ 但我聞唔到有椰子味 ＊







鄰到班長哥哥果杯喇
佢叫左一杯用芒果 ＆ 蘆薈
製成o既 【芒果蘆薈汁】 (右圖)


唔知班長哥哥杯野好唔好味呢





最後 Ｏrｄeｒ多兩樣甜品 (下圖兩舊野)
【橙味梳扶梨】 (左邊)
＆
【零尼拿味梳扶梨】 (右邊)


一篤落去
就已經漏哂氣咁
巢哂皮...
由於我唔太鍾意食果兩舊野
所以我評價唔到
唔.. 我只可以形容食落去個口感
好似係食緊空氣蛋糕

埋單嚕~ (唔知幾錢)
但我知道價錢唔太貴的
有興趣可以一試~
Ｇｏ Ｇｏ Ｇｏ

坐米高胡先生車車歸家去。。。

返來囉。。。

返來囉。返來囉。

前排忙到嘔茄
但依排都唔可以叫做得閒
日日都係要侍奉老闆 ＆ 老闆娘
日日做到無停手無停手。。。

我最討厭o既事
佢終於又黎多次喇
今次真係興到火屎

你唔記得 Ｄ 野唔該你寫低啦
你日日已經無帶個腦出街嫁喇
你仲要推卸責任....

我要做o既野我已經做哂
你想我點? 又唔見你自己親自打比對方

現時為止, 單野仲未搞掂。。。
頭痕。頭痕。頭痕。頭痕。

＊ 我升職為秘書 ＊

台灣手信。【Ｍ 巾】＆【偉哥】。

前日細佬拎左佢朋友送比佢o既台灣手信出黎..

有 【Ｍ 巾】 & 【偉哥】
【Ｍ 巾】細佬無用的.. 益我吧!

首先每樣睇下先...
黎個【Ｍ 巾】大特寫~

其實係【Ｍ 巾棉花糖】(上圖)

(由於細佬唔比我拆開包【Ｍ 巾】所以無法戚刷 Ｄ棉花糖係點。)
(下次等佢拆黎食, 小妹會補上。。。)

【Ｍ 巾棉花糖】個 Ｐaｃkｉnｇ都好似細包裝女性用品。。
細佬比我睇時, 佢唔講係咩黎,
我都唔知係棉花糖~
以為佢咁好死有野益我...

我:『拆埋佢比我影相丫~』
細佬:『唔呀~』
我:『唔踭在啦~~ 至多我慢慢幫你拆得靚 Ｄ~』
細佬:『拆黎做乜? 你都有啦~』
我:『 ．．．．．．』

再黎睇另一個... 【偉哥】
吸引嗎???????

你估中了! 係! 又係假的!!
其實係糖...
佢個名好抵死...叫
【威兒鋼Ｃ】

食落去係甜甜地... 但唔好味!

＊ 唔知台灣其他手信 『Ｄoｍ Ｄoｍ』 又會唔會係香口膠呢 ＊

得左喇。。。

調酒課程話咁快就讀完~~

上個禮拜終於攞左張調酒課程證書喇~
得左喇~ 得左喇~ 得左喇~
終於比我還左自己o既心願喇~
ＹoＨo~ ＹoＨo~ ＹoＨo~

張證書好似張喜帖咁嫁~

(由於張證書帖印有小妹個名.. 所以小蟲王子好 Ｍaｎ咁幫我傘住先。)

個信封內面除左有證書之外,
仲有『學生證』一細張~


『學生證』係當你去 Ｂaｒ時有 9 折~~~~~

但 9 折對我黎講.. 有無用呢?

＊ 攞完證書。胃口都大 Ｄ ＊

忙裡偷閒。。。

依排忙到得番半條人命...

但... 又唔算太多野做~
都唔知點解, 好似成日都唔夠時間用咁!

忙忙忙... 為乜?
學到 Ｄ 乜??
為左『責任』！！
學到... 做任何事都要 『忙裡偷閒』！！

閒... 只得 15 分鐘打個 Ｂlｏg 仔...

雖然忙裡偷閒...
但我得到o既只係
『累』
＊ 遲點補番幾日前發生o既樹 ＊

凍冰冰。暖笠笠。

尋晚開冷氣訓覺~

痴線~
但真係好鬼舒服~~~~

7 點鬧鐘響喇...
諗住起身返工...
呀~~~ 起唔到身~~~
實在太舒服喇~~~~~~~

繼續眠多陣先~~

7 點 8喇... 嘩~
一眠就眠左 8 個字

起身喇~ 起身喇~
嘩?!?!?!? 咁壯唔蓋被??
王先生褲哂被??
定係我搶哂 Ｄ被??
佢Ｄ手手腳腳凍冰冰~~

見佢咁可憐...
幫佢蓋被啦~
暖笠笠~~~~
王先生, 我 Ｐoｓt 左你個睡姿上黎呀~ (下圖)
你睇你訓得幾甜~~
搞到 8 點幾先出門口~
返到公司 9:30 ａｍ
又係趕到我死~~ 呼~

＊ 王先生, 尋晚我好暖笠笠 ＊

失憶。簿仔。

有 Ｄ人見過一Ｄ野,
睇過一 Ｄ野...
就會過目不忘!

甚至聽過一 Ｄ野...
都唔會唔記得!

哼! 究竟佢地食咩大嫁?
咁有記性?!

最近都唔知搞乜鬼~~
近排好似好多野都唔記得左~
唔寫底, 就會唔記得~
寫底, 分分中連張紙仔都唔見埋~~
寫落本簿仔諗住隨身攜帶..

唔會唔見Ｄ紙仔..
點知... 換手袋時,
簿仔就係比我擺低左o係屋企張枱度
.................... 呀................
一心諗住可以睇番本簿仔我寫過乜...
今日要做乜, 聽日要做物...
換完個手袋就連個腦都換埋~

乜都唔記得哂啦~
我睇過個內容都可以唔記得...
更何況我擺低左本簿仔?!

人地最多係 Ｏuｔ Ｏf Ｓiｇhｔ, Ｏuｔ Ｏf Ｍiｎd~
我就簡直 Ｏuｔ Ｏf Ｓiｇhｔ, Ｏuｔ Ｏf Ｂrａiｎ~
典算？？？？？？

唔知倒掉...
對我會唔會好 Ｄ呢?!