台灣手信。【Ｍ 巾】＆【偉哥】。

前日細佬拎左佢朋友送比佢o既台灣手信出黎..

有 【Ｍ 巾】 & 【偉哥】
【Ｍ 巾】細佬無用的.. 益我吧!

首先每樣睇下先...
黎個【Ｍ 巾】大特寫~

其實係【Ｍ 巾棉花糖】(上圖)

(由於細佬唔比我拆開包【Ｍ 巾】所以無法戚刷 Ｄ棉花糖係點。)
(下次等佢拆黎食, 小妹會補上。。。)

【Ｍ 巾棉花糖】個 Ｐaｃkｉnｇ都好似細包裝女性用品。。
細佬比我睇時, 佢唔講係咩黎,
我都唔知係棉花糖~
以為佢咁好死有野益我...

我:『拆埋佢比我影相丫~』
細佬:『唔呀~』
我:『唔踭在啦~~ 至多我慢慢幫你拆得靚 Ｄ~』
細佬:『拆黎做乜? 你都有啦~』
我:『 ．．．．．．』

再黎睇另一個... 【偉哥】
吸引嗎???????

你估中了! 係! 又係假的!!
其實係糖...
佢個名好抵死...叫
【威兒鋼Ｃ】

食落去係甜甜地... 但唔好味!

＊ 唔知台灣其他手信 『Ｄoｍ Ｄoｍ』 又會唔會係香口膠呢 ＊