金童玉女。天生一對。。。

話說前排我老闆問左我 2 條問題...
＊(請各位試代入我角色, 如果你係我, 你會點答陳先生呢?)＊

陳先生:『XX, 幫我上勞工處登記請人~』

我:『嗯~ 好丫~』

事隔 1-2 日...

陳先生:『XX, 你幫我登記左未?』

我:『搞掂哂~』

陳先生:『咁點解 D 人唔打電話黎o既?』

我:『(你無野呀?!) er... 可能人地未睇到呢...』

＊～＊～＊～＊～＊～＊～＊～＊～＊～＊～＊～＊～＊～＊～＊～＊

陳先生:『xx, ABC公司話收唔到我地 D 單窩... 你幾時寄?』

我:『11月頭』

陳先生:『佢地話收唔到窩~』

我:『但我已經寄左~』

陳先生:『咁點解佢地話收唔到?』

我:『(我點知人地點解收唔到姐~) ...... 可能未收到...』

陳先生:『佢地話收唔到, 你幾時寄? 』(注意: 重複第2次問)

我:(忍唔住...)『我都唔知點解佢地收唔到~ 11月頭寄!』

陳先生:『咁佢地幾時收到嫁?』

我:(......頂!)『佢地都收唔到, 我都唔知佢地幾時收到~』

陳先生無聲出.........

＊～＊～＊～＊～＊～＊～＊～＊～＊～＊～＊～＊～＊～＊～＊～＊

陳太太 (老闆娘) 出現了...

陳太太:『XX, 頭先報工數果個伙記叫咩名?』

我:『葉 XX~』

陳太太:『佢姓咩嫁?』

我:『(真的想%$$&@#!..救命!) 呼~ 佢姓葉!』

老闆同老闆娘真係
好一對金童玉女~ 天生一對~
問 D 問題都可以問得咁白痴~ 咁一致!
佩服!

＊ 隨 Ｂlｏg 附送今日小妹早餐糯米卷卷照 & 愛心午餐飯飯照 ＊
$ 2 一個糯米卷~~
仲有 2大粒花生~
睇睇下有 D似蟑螂... >﹏<

仲有愛心午餐飯飯~
黃色果幾舊係玉子豆腐~
仲有, 少許菜芯芯, 少許蒸豬肉肉~
肥肥肥... 肥死!