三文魚怪。辣辣怪之決戰。。。

尋日簡直瘋狂地食野呀
都未試過咁樣食法..


尋日12 點同王先生同埋王府上下所有人
去左尖沙咀美麗華商場
食自助餐..


一去到自助餐門口..
準備擺低野
自問係三文魚怪o既
就飛身去拎魚生
三文魚, 吞拿魚, 八抓魚....
多到唔記得哂~
但.. 可惜.. 掛住食... 係咁食...
無戚刷 0_0

無得引又係鍾意食三文魚
o既卓敏添~ 可惡 .\ /.


成隻碟都係三文魚..
吞拿魚.. 八抓魚..痴線嫁！


經過一輪魚生戰之後
再去食甜品


經過 2小時虐待完個胃之後
就同王府上下去左九龍公園散步
但我同王先生逗留唔夠 5 分鐘
就走先..


再返家.. 王先生就小睡..
我就睇有線.. 係咁睇, 係咁睇
係咁睇就係咁笑..


8點幾出去醫肚
但其實我同王先生都唔係好肚餓
但為左唔想返到屋企
先黎心思思食野
就決定走左去荃灣摷野食


最後摷左間【沙 DAD 王】
我地原來想食【花酒辣椒炒田螺】
但伙記竟然話無哂~
依排無貨, 亦都無賣..


原本為左田螺而去食【沙 DAD 王】
但.. 咦~~~~~~~~~~~~~~
無得食辣辣田螺 .\ /.


就揀第 2 樣啦~


我地叫左個 【鰻魚蛋石頭飯】 ($49)


之後再叫左【冬蔭公炭燒骨串燒金邊粉】 ($34)
＊＊ 但 D 冬蔭公一 D 都唔辣.. ＊＊
陰公！！



好~ 另外叫多樣 【雜錦海鮮薄餅】 ($19.5)
痴線！真係有 5 毫子 =.="


入到去幫襯
D 飲品就可以用半價叫嫁喇~
我同王先生就拿拿淋
叫番兩杯

左: 荔枝椰果梳打
右: 芋香珍珠 <-- 好味! 好夠芋頭味


荃灣依間【沙 DAD 王】
D 擺設都幾得意..
今次係我第一次黎荃灣依間
我一入到去第一個感覺
竟然係好驚...
佢一打開 LIFT 門
就會見到個海盜 其他環境都過得去..
但始終我去到邊度就嚇到邊度..


其他坐位有 D 係好似艇仔咁
好似坐o係隻艇上面食野
但艇仔只限 2人


有 D 4-6 人果 D 位
就好似架拉車咁
幾得意
其實我有戚刷嫁
但由於環境太暗
戚刷完變左黑森林咁
所以費事放上黎


叮叮！ Ｋ. Ｏ.
今日三文魚怪 VS 辣辣怪之決戰
係【三文魚怪】勝出
因為, 無辣辣田螺食..

飽飽.. 返家了！



＊ 最近我發覺自己好似無哂時間觀念 ．︵．＊

扑升 Ｄａｙ。。。

上集講完 【聖誕節 之 生日會】

今集就講埋 【Ｂoｘiｎg Ｄaｙ】


26 號無出街喇
24, 25號玩左兩日
人都散埋喇
唯有 26 號留o係屋企陪下屋企人
扑下禮物咁啦


呵~


我問媽咪: 『媽咪, 我今年有無聖誕禮物呀？』
媽咪諗都唔駛諗: 『無！』
我:『你做咩唔送比我呀？』
媽咪: 『年年都無嫁啦~』
我: 『車~ 就係年年都無, 所以今年你要送比我~』
媽咪: 『咁你想要咩丫？我都睇中左一份窩..』
我: 『交換囉~ 你要咩丫？』
媽咪: 『唉~ 費事啦~ 費事又要你送~』
我: 『手袋？』
媽咪: 『........ ^.^ .......』
我: 『手錶？』
媽咪: 『你上次咪送左囉~ 我樣樣都有~』
我: 『但就係無錢丫嘛, 係咪？』
媽咪: 『哈！咁你下次家用比多 Ｄ喇~』
我: 『拜拜~』
＊
＊
＊
我: 『係咪手袋？』
媽咪: 『係 ^.^』
我: 『車~ 頭先咪一早估中左囉~ 又唔應人~』
媽咪: 『費事要你送嘛~』
我: 『車~ 又唔係好貴~ 怕乜？ 下次去街你話我知~』
媽咪: 『好！』

其實講到尾, 我都係無禮物
反而媽咪有囉
但到而家佢都未帶我去睇~
慳番~


今年收得 3 份咁多咋
真係... 丫


你地睇下 Ｄ 禮物丫
樣樣都好似好迷你咁

左 : 大角咀亞 Ｌiｎg送比我, 多謝你！你好好傾呀~
你已經係人地媽咪黎嫁喇
你仲咁癲o既？
咁先好玩, 嘻~

中間: 識左廿幾年o既好朋友兼舊同學兼鄰居, 雅媛送的,
花紙係用一張 Ａ4 白紙 Ｐrｉnｔ Ｄ 哈佬吉蒂公仔做花紙
好有心思.. 多謝你呀~

右: 王先生o既朋友 -- 米高胡先生
依份禮物我係未見過嫁之前
好得意呀~ 多謝你

我地放大米高胡先生份禮物丫

其實份禮物係裡面個公仔飾物鎖匙扣
出面個「蘿蔔」係好似水泡咁
脹 Ｂoｏk Ｂoｏk
但要剪爛出面個「蘿蔔」
先可以拎出黎
咁樣我會覺得如果剪爛個「蘿蔔」
佢會好慘
所以我決定唔用個鎖匙扣
就咁完整一個仲好~


我地睇埋雅媛送咩比我先
拆！
ＷＯＷ.. 係迷你馬騮頭袋仔呀
(個名係我改嫁~)

但到而家我仲未諗到
個袋仔要黎裝咩好
裝散紙, 到時就會真係散哂出黎..
裝手提, 又唔夠裝..

呀
最後我都係包起佢
放o係屋企藏起佢
索性黎一個金屋藏袋


嗯~
最後一份係隱形禮物
係王先生負責比錢
我而家訂左貨
未攞得住~


到時有貨
我會再戚刷話比『你』知


其實王先生到而家
都仲係未知佢要送咩禮物比我
上次只係我自己揀左
同個Ｓaｌeｓ 落左 Ｏrｄeｒ
嘻～


＊ 我仲未收到迷你 ｘｘｘ呀 ＊

＊ 倒數中。準備踢走 2007 ＊

ＧＯ～ＧＯ～ＧＯ～

聖誕節 之 生日會。。。

上集講到 【平安夜】倒數..

連續過左 3 個聖誕節..

今集講...

～『聖誕快樂』～


25 號係班長哥哥o既大壽呀~
生日快樂呀~~


首先講下25 號朝早搞乜鬼先~


一朝早, 亞姨就幫我地整鹵水鴨..
紅腸, sun, 雜丸, 雞蛋..


真係多功夫喇..
唔該哂亞姨~


好喇.. 出發去 7 哥屋企開生日會喇
ｇO ｇO ｇO~
嘩.. 拎到我同王先生成隻劇咁..


到左 7 哥屋企之後
就齊齊落街買送.. 買野飲..
分道揚鑣~


健哥哥同 7 哥買海鮮..
我, 王先生同壽星班長哥哥買野飲..


買哂野~ 上 7 哥屋企開餐嚕~
7 嫂就煮海鮮
我地就負責食~~


WOW~ 開餐嚕


有 【"酸"蓉蒸蝦 】 (下圖)


【陳皮蒸魚】 (下圖)


【米酒煲雞湯】 (下圖)


【 "酸"蓉辣椒炒田螺 + 顯】 (下圖)


【壽司】買大送細
(右邊個芥辣, 好似雪糕咁呀, 超大杯)

王先生仲帶左支威士忌上黎一齊飲..
一個二個飲得幾開心呀
佢地溝左綠茶飲
咦~ 我覺得溝綠茶唔巧味
所以我走左去溝雪碧
溝溝溝..
嘩~ 巧巧味呀~~~


飲左好多.. 愈飲愈多..
愈多就愈飲..


再一次飽食醉之後
就拎另一個主角出黎
櫈登！
生日蛋糕小姐~
(留意: 生日牌上係無寫到壽星仔個名, 因為個個都唔記得左 =.=")

嘆完個蛋糕..
我仲係酒不離手..
唉~ 真係好好飲..
點解會咁好飲嫁..


盡興了 齊齊返家..
ＢＹＥ！
出年再見！


＊ 我過聖誕.. 過到唔見左個散紙包.. 慘.. 裡面仲有好多個$5, $2 ＊

平安夜。。。

Ｙoｈo～

補番一小句『平安夜~ 快樂』

終於過左聖誕節喇..
期待聖誕節o既來臨果時就要等 365 日
而家聖誕節.. 前後加埋都係得 3 日


但.. 過得開心就已經足夠了
唔知你地又過得開心嗎?


嗯~ 靠記憶講番我同王先生o既平安夜先~
我地果晚過得超級平安~


。。。【平安夜】。。。


果日無得放早
只係閒在公司等放工
唉~ 其實係自己蠢
應該多口問一聲有無得放早丫嘛
蠢到脾~~~
出年如果我仲o係度做
我一定會問..............................


王先生 4 點幾已經黎左我公司等我放工
等.. 寂寞到夜深..
夜已漸荒涼.. 夜已漸黑暗..


終於等到放工喇
兩支箭咁已經『拼彭』關門走人


但走前在公司戚刷幾張相~
嘻~ 但唔知影黎做乜
我同棵野一樣高.. 嘻
1.. 2.. 3.. 笑


好嚕~ 去搵野食
由旺角行路行到佐敦
搵搵搵.. 度度都好多人


嗯~ 搵到喇~
我地去左【金太郎】食壽司
櫈登！


我地叫左好多野食..
不停叫.. 不停食..

但好快就好飽..
咦~ 佢 Ｄ 飯囉~
濟到死..

我地仲叫左好耐無飲過o既『實 Ｃaｒe』
熱辣辣~ o雪~ 吓~
真巧味~~


飲飽食醉
出發！


直踩落尖沙咀。。。


嘩~ 好逼呀...
其間一路同人逼
一路批踭
一路Ｓeｎd　Ｍeｓsａgｅ
『聖誕快樂.. 祝你..』x 20


去到尖沙咀
人多到呢..
又會見到 Ｄ 例牌街頭表演~
唔少得有人唱歌
『 Ｗe Ｗish... & Ａ Ｈaｐpｙ Ｎeｗ Ｙeａr！』

行行行...
見到好多燈飾
由唔靚果 Ｄ, 一經過我同王先生專業戚刷過後
乜都變到靚哂~
登櫈！睇下！超靚～
(懷舊 Ｆeｅl)
呀~ 真係好靚.. 影得！

行到累哂
坐坐.. 抖抖.. Ｈeａ Ｈeａ..
再出發~
Ｙoｈo～


行到去海港城喇

愈夜愈多人..
我同王先生為左想倒數平安夜
就搵左條喇Ｚiｐ埋
Ｚiｐ緊之際
一個識左廿幾年o既
巧貧有卓敏同埋
佢o既士 Ｍaｒk 男朋友
一齊搵我同王先生
之後大家又戚刷.. 戚刷..
1.. 2.. 3.. 笑..


戚刷完
仲有大約 10 幾分鐘就到 12 點
大家呆等..


11:58 PM
仲未開大電視？
Ｄ 人開始起哄...


11:59 PM
Ｄ 人愈哄愈大聲...


10.. 9.. 8.. 7.. 6.. 5.. 4.. 3..2..1..
叮！12:00AM
聖誕快樂～


廿秒之後又再一次聽到
10.. 9.. 8.. 7.. 6.. 5.. 4.. 3..2.. 1..
聖誕快樂～


我地 4 個總共倒數左 3 次
亦都係o係噓聲中渡過
夠特別！ 我咁大個女都未試過
大家亦都係一口氣過左 3 個聖誕節
都好！有賺！


講完聖誕快樂之後
分道揚鑣~

我同王先生去左【紅樹林】飲野
左: 茉香珍珠 (大杯)
右: 你地估都估唔到~
係.......... 木瓜珍珠奶 (大杯)
Ｄ 顏色曳到呢...


飲完齊齊歸家了。


下一集有 【聖誕節 之 生日會】
<< 待續 >>

米線 之 雲南汽鍋雞煲。。。

依排連續幾日都同王先生一齊

由 16 號開始.. 至到..
22 號晚黎左我麻麻屋企做冬~

尋晚去左睇戲 <<破事兒>>

估唔到 <<破事兒>> 竟然有露點鏡頭?!
一開場無耐就整個甜品比我地嘆~

中場再整多個甜品..
但我同王先生當然係唔會吃不消啦~
放馬過黎~ come on~
多多都食得哂~

睇完戲都 9 點鬆 Ｄ喇

之後走左去嘆【雲南汽鍋雞】

【雲南汽鍋雞】主要係食
XX 汽鍋雞煲
XX = 人參 / 麻辣等等。
(任君選擇)

其次係米線
亦都有碟頭飯~
岩哂個人喜好
情侶去食唔駛為左
食米線定係飯而嗌餐死

果度亦都有 2人餐, 3人餐, 4人餐~
2人套餐 ～ ＄80
3人套餐 ～ ＄108
4人套餐 ～ ＄138

又有其他小食..
豬軟骨, 小排骨, 3 寶, 炸豬扒等等..

我地就叫左個 2人套餐:
一個雲南汽鍋雞煲
2 碗米線 / 白飯
1 個小食
1 碟油菜
2 杯飲品 (凍飲+$3)

Ｄ 送黎喇~
先黎個雲南汽鍋雞煲 (下圖)
內有雞數件 + 雲耳
D 湯o既味道好濃味
好有雞湯味
又用左數片薑吊味
飲落去, 又熱又辣 (興口, 唔算辣)
一流~ 冬天去飲, 暖粒粒~~

米線我地就叫左『要少辣』
『少辣』已經好野味喇~
食得辣o既朋友仔~
可以揀大辣~~~~
食完有無得噴火請話我知~

(2杯凍飲無戚刷 <- 因無乜位比我左搬右搬)
費事倒瀉~
飲品都係普通茶餐廳果 Ｄ 凍飲~

可能食左酸辣米線
再加上飲埋 Ｄ 雞湯
辣上加辣o既關係
食到我同王先生 sir sir 聲
食到除哂褸~
可想而知.. 雞煲真係食到暖呀暖粒粒。

埋單只係 ＄86 (已經加埋凍飲錢)
＄86 抵到爛！！！


飲飽食醉後
仲係意猶未盡
我同王先生走左去【義順】 食奶奶蛋蛋。 左: 雙皮奶(凍) 右: 冰花燉蛋 (凍)

滿足了！！
齊齊踏步歸家去。。。

＊＊～＊＊～＊＊～＊＊～＊＊～＊＊～＊＊～＊＊～＊＊～＊＊～＊＊

同場加插
Ａ ～ 22 號做冬時, 我送左份聖誕禮物比邦仔 (堂細佬)
Ｂ ～ 一條我相信大家已經好耐無答過o既看圖問答題


Ａ. ＊＊～＊＊ 聖誕禮物 ＊＊～＊＊

拆呀拆.. 拆呀拆..
幾經辛苦
終於拆完禮物嚕～
(小妹有個習慣, 每逢包禮物, 花紙以內全部都包左幾層報紙)
你睇邦仔玩得幾開心～
笑到唔見左對眼 ><
* 拍攝於 XXX 走廊路中心

Ｂ. 看圖問答題
以上圖片中, 由上至下的第 1 & 第 2個,
究竟係ＸＸ廣場呢？ＸＸ係咩字呢？
* 答對者有獎 *


Ｍeｒrｙ Ｃhｒiｓtｍaｓ