椰汁紅豆糕。。。

前日突然興起

走左去王先生屋企整甜品
【椰汁紅豆糕】

我都係第一次整咋
唔算太難~

首先略略介紹下 D 材料
(材料大小全部圖示)

材料: ＊ 紅豆半碗至一碗 (普通飯碗)
**(可選擇綠豆或馬豆, 視乎個人喜好而定)
＊ 椰汁一罐 ＊ 粟粉一盒 ＊ 馬蹄粉一盒
＊ 片糖半塊至一塊 **(視乎個人鍾意較甜或較淡)

做法: 1. 先用水浸淋紅豆, 然後洗淨備用。 (下圖)


2. 煲水期間... 就準備定其他材料
將椰汁倒入大碗中, 然後加入半碗粟粉 ＆ 半碗馬蹄粉搞勻, 備用。
(右邊粟米只是陪襯品)

搞勻... 搞勻... 搞勻... *(記住順一個方向搞) (下圖)


水滾喇~
3. 然後將已洗淨o既紅豆放入滾水中
煲煲煲... 煲淋 D 紅豆。 (下圖)



4. 煲到紅豆淋左, 之後倒水
倒淨岩岩到紅豆面o既份量。 (下圖)
(太多水, 做出黎舊糕會好稀.. )


5. 加入片糖, 再煲, 直至片糖溶哂。 (下圖)


6. 將剛才已準備好o既椰汁、粟粉、馬蹄粉倒入紅豆煲內。
*緊記: 一路倒, 一路搞 (又係要順一個方向搞) (下圖)


7. 搞到傑傑地, 就可以準備倒入盒。


8. 好! 倒 / but 出黎。 (下圖)


9. 整番靚佢。 (下圖)


10. 完成。 (下圖)
(等佢無咁熱, 之後放入雪櫃雪凍, 凝固左後食得)


11. 完成後緊記洗左 D 用具先
以免乾左就好難洗。(下圖)
洗洗洗... 洗洗洗... (王先生肉手兩隻)


後記: 今次整【椰汁紅豆糕】整到我一頭煙
但... 成功！

試食..
我:『一個字... 淡..』
王先生:『太多豆喇..』

＊ 下次整 【薑汁撞奶】＊