回想。。。

有一晚訓唔著

訓o係張床突然諗番....
其實王先生對我真係好好
遷就我.. 照顧我.. 疼錫我.. 關心我..

前排公司多野做到嘔
自己比自己壓力太大
做到連氣都無時間抖
心情自然差

經常向佢發脾氣... 又喊...
成個人好似癲左咁
連我都覺得自己好討厭..

但王先生竟然一句怨言都無..

有一日
王先生知道我心情唔好
搭巴士途中專登落車黎搵我
諗住買野食比我..

但因為某個原因
無買到野食
我地只可以見 x 秒面

所以我走左去商場
見王先生一面

依一面...
1 分鐘都無！
當王先生轉身走果時..
我o既眼淚已經忍唔住流出黎

當第一滴眼淚流出黎o既時候
我已經跑左入廁所..
唔想比王先生睇到

如果唔係, 我知佢會攬住我.. 呵番我..
到時我會知道我更加唔捨得
我 D 眼淚一定會一發不可收拾。。。


打打下依個 Ｂlｏg
腦海突然浮現左好多片段

其中一段...

王先生之前追我o既時候...
送左最令我難忘o既 2 束花

第一束我的至愛【馬蹄蘭】(下圖)
係王先生送比我o既第一束。。。
係我生日前夕 (2日) o既禮物
當晚我仲拎住佢遊旺角


第二束【迷你玫瑰花】 (下圖)

到左生日正日
【迷你玫瑰花】到喇~
當晚我又係拎住佢黎遊旺角
*收迷你版, 係因為正日太多禮物收, 驚無手拎*

當時o既感覺係有點尷尬
但當時有超過 Ｎ 咁多人
送 Ｎ 咁多個注目禮比我時
其實係開心嫁~

到左而家依一刻
我仍然都會想收到 Ｎ 咁多人o既『注目禮』

＊ 多謝你『吞』哂我向你發o既脾氣 ＊
＊ 我會珍惜你！＊